Дзейнасць Трацейскіх судоў

У адпаведнасці з Законам Рэспублікі Беларусь «Аб трацейскіх судах» галоўным упраўленнем юстыцыі Мінскага аблвыканкама 25 мая 2012 года пастаўлены на ўлік пастаянна дзеючы трацейскі суд, створаны прыватнай установай адукацыі «Салігорскі эканамічны каледж».

Пастаянна дзеючы трацейскі суд пры прыватнай установе адукацыі «Салігорскі эканамічны каледж» створаны ў выглядзе названага падраздзялення ўстановы і знаходзіцца па адрасе: г. Салігорск, вул. Гуляева, 2.

З інфармацыяй аб зарэгістраваных і пастаўленых на ўлік у рэспубліцы пастаянна дзеючых трацейскіх судах і трацейскіх суддзяў, унесеных у Рэестр трацейскіх суддзяў і пастаянна дзеючых трацейскіх судоў, зацікаўленыя могуць азнаёміцца на афіцыйным інтэрнэт-сайце Міністэрства юстыцыі Рэспублікі Беларусь http://www.minjust.gov.by.

Аб законе Рэспублікі Беларусь «Аб Трацейскіх судах»

26 студзеня 2012 года ўступіў у сілу Закон Рэспублікі Беларусь ад 18 ліпеня 2011 года «Аб трацейскіх судах».

Згодна з Законам трацейскім судом з'яўляецца арганізацыя, якая ствараецца для вырашэння спрэчак, якая не ўваходзіць у судовую сістэму Рэспублікі Беларусь.

Названы Закон накіраваны на забеспячэнне развіцця альтэрнатыўных форм правасуддзя па эканамічных спрэчках з мэтай памяншэння колькасці зваротаў у дзяржаўныя суды і скарачэння нагрузкі на суддзяў, даступнасці правасуддзя шырокім слаям насельніцтва і суб'ектаў гаспадарання.

У адпаведнасці з Законам у трацейскіх судах могуць вырашацца спрэчкі паміж грамадзянамі, грамадзянамі і юрыдычнымі асобамі, а таксама паміж юрыдычнымі асобамі, якія заключылі трацейскае пагадненне, гэта значыць пагадненне аб перадачы спрэчкі на вырашэнне трацейскаму суду.

Трацейскі суд можа стварацца як у выглядзе пастаянна дзеючага трацейскага суда, так і ў выглядзе трацейскага суда, які ўтвараецца бакамі спрэчкі на час, для вырашэння канкрэтнай спрэчкі.

Пастаянна дзеючыя трацейскія суды могуць дзейнічаць у якасці некамерцыйных арганізацый, а таксама ў якасці падраздзяленняў іншых юрыдычных асоб. Трацейскія суды для вырашэння канкрэтных спрэчак ўтвараюцца бакамі трацейскага пагаднення і спыняюць сваю дзейнасць з заканчэннем трацейскага разбору па гэтых спрэчках.

Абскардзіць рашэнне трацейскага суда, звярнуцца за прымусовым выкананнем рашэння трацейскага суда, не выкананага добраахвотна, зацікаўленыя маюць права ў адпаведны дзяржаўны суд.


Друкаваць